الليلة ما ياهو

الليلة ما ياهو
بريق عينيك
نور عينيك
فرح عينيك
حقيقة ما ياهو
رونق وجهك
الحالي ما ياهو
سحر محياك
يالبهواك ماياهو
وعشان بعشق
بريق عينيك
وحافظ كل
خفاياهو
وعشان مسحور
بي جمال محياك
وحتي شعاع النور
الباقي من شفتيك
ما ياهو
ولا حديثك المعسول
كان بيجول
وكان بيصول
ويطرب زي
غنا العصفور
الليلة ما ياهو
وحتي قوامك
المياس
حقيقة الليلة
ماياهو
صغيرالجدي
ما ياهو
رشيق الخطوة
ما ياهو
خفيف الظل ما ياهو
شنو الحاصل
وايه البيك
ياخلي
سألتو
وقالي في اطراق
كسير الخاطر
المحزون
بي صوت
خفيض وحنون
بعد بره
وكان بيداعب
اظافريه
مافيش حاجة
صدقني
يمكن اكون تعبان
او نزلة برد بتكون
وقبلت الكلام
منوا
وعارف انو ما ياهو
يمكن بكرة
يشرح لي
يحكي لي
بالتفصيل
يفضفض لي جواهو
ويصارحني
ويقول الداسي جواهو
حاسس انو داسي كتير
وعارف انو ما ياهو .

المخلص